التسويق ‏الهرمي ‏

توضيح فيما يخص التسويق الهرمي

                      

التسويق الهرمي

منيش هنا باه نفتيلك فيه حلال ولا حرام

هذا الشركات الوهمية تدخل بلاد تخربها وتخرب الناس لي ينظمو ليها

يجيك واحد ببساطة يقولك اوراح ترجع معنا مليردار فقط جيب ربعين مليون وشري وحد المنتجات

ومنبعد انت قنع اربع اشخاص يشرو تاني ومل واحد فيهم يقنع جماعة اخرة وهي رايحا

وكل ما تطلع انت فالقمة كل مغادي تولي تدي في عمولة عل كل واحد راه تحت ويرجعولك دراهم وتحكم فايدا كبيرة

ويزيد يوريلك واحد بخير عليه راه داخل فيها

ايا تقول هااذي هي لافار

المهم اخي العزيز وهنا راك طحت فالشبكة وتم اسطيادك بنجاح

وتروح انت تحط داهمك تشري غرفيا ولا مقراج بربعين مليون تاعك تبخر بيه

لانها سلعا لا قيمة لها لي غادي تشري بيها من اجل تبيض الاموال

وتولي تحلل في ربعة اخرين باه يدخلو ولي قنعك يستعرفلك بلي كان حاصل وكان لازم يحشيهالك

اه بالمناسبة بعد ثلاث اشهر مدخلش ربعة معاك غادي يقولولكم زدو خلصو ولا يتم طردكم هههه هذي ميقولوهالكش فالاول

وشفت هداك لي بخير عليه وداخل معاهم واه هذاك دخل وقت الغفلة وقبل متفيقلها الناس ودخلو بزاف بعدو

ارواح نزيد نطول شويا باه تستفاد

هما يقولك شركة مدامها شركة علاه تعمل فالخفاء وعلاه تزدم غير لدول العالم الثالث

صحا اسيدي هذي قاتلك انت راك مسوق لمنتوجاتنا رنا غادي نخدموك وانت تقنع ناس يشرو

اذا علاه فارضين عليا نشري هاو نزدم غير بالخبرة تاعي فالتسويق ونقنع الناس وندي عمولة علاه لازم يربطوني ندفع دراهم

يا اخي فيق مع روحك لانك انت تعتبر ضحية ولست مسوق

المهم Qnet مجرد مثال كاين بزاف شركات تختلف الاسماء وطريقة الاقناع والغرض واحد

ناس بزاف طمعوهم تسلفو دراهم وحصلو ذرك كفاه يرجعوهم

دايما خمم مكانش حاجة تجي فيها ربح سريع بالساهل مريح وتخلص

والا صبت واحد حاصل فيها متزدش عليه حاول تقنعو يخسر ويفارق

خير ملي يزيد الطين بلة

قريب كنت ضحية في وقت مضى قلت نشاركها معاكم

اذا تبقى مجرد لمحة محبيتش نطول اكثر منهاك

حسابنا على الفيسبوك

حسابنا على الأنستغرام

قناتنا على اليوتيوب

كل ما يهمك بخصوص الشهادة المعادلة هنا توضيح شامل

 

#هــــــــــام:

معادلة الشهادات ومضاعفة فرص العمل بها

 

أي شهادة عندك (شهادة جامعية، أو شهادة تكوين مهني) تقدر تضاعف حظوضها في التوظيف عن طريق معادلتها بشهادات أخرى

نضرا لكثرة الإستفسارات عن الشهاد المعادلة هذا منشور مفصل عن الشهادة المعادلة

 الشهادة المعادلة هي عبارة عن وثيقة تستخرج من مفتشية الوظيف العمومي عبر الوطن و دورها أنها تفيد صاحبها بالرتب و المناصب التي له القدرة على أن يمتحن فيها بديبلومه فــي الوظيف العمومي

 الملف الخاص بالشهادة المعادلة: طلب خطي + نسخة من بطاقة التعريف الوطنية + نسخة من الديبلوم

 بإمكان جميع المتحصلين على شهادات جامعية أو شهادات التكوين المهني، طلبها والحصول عليها من مفتشية الوظيف العمومي التابعة لولاياتكم

 بخصوص المتحصلين على شهادة الماستر، بإمكانهم استخراج شهادتين معادلتين واحدة خاصة بشهادة الليسانس وواحدة خاصة بالماستر

__________

بخصوص المتحصلين على شهادات سواء جامعية أو تكوينية، ننصحكم تخرجو شهادة معادلة لشهادتكم هكدا تسهل عملية توظيفكم وتكون عندكم حظوظ أكبر في النجاح

ملاحظة

يتم إيداع الملفات بمكتب مفتشية الوظيف العمومي الكائن مقره بمقر ولاياتكم - مكتب فرعي في مقر الولاية

-الشهادات المتحصل عليها من طرف المدارس و المعاهد الخاصة (بريفي) لايمكن معادلتها بشهادة معادلة حتى ولو كانت هاته المعاهد أو المدارس معتمدة من طرف الدولة

هنا صفحتنا الرسمية على الفيسبوك

#بارطــــاجي

Travailjob48